رواية ياما حاولت

بنيويورك...

جالسين بالكفتريا الي كل يوم يروحون لها...صارو معروفين هنا من كثر مايروحون...

ستيف((لولو وش فيك؟؟))

لبنى تنهدت((ولاشي))

ستيف((يعني انا ما اعرفك...شكلك متضايقة اليوم..وش صار؟؟))

لبنى((صديقاتي وحشوني..من زمان ماشفتهم))

ستيف وقف وحضنها((وانا وين رحت))

لبنى ابتسمت وحطت راسها عليه((انت موجود بس هم غير))

سيف بعد عنها شوي((كيف غير..يعني بايش غير عني عشانهم بنات يعني))

لبنى((عشانهم بنات وعشان في اشياء مااقدر اقولها الا بس لهم))

ستيف((اشياء مثل ايش؟؟))

لبنى((انت ولد وعمرك ماراح تفهمني))

ستيف وهو يكلم نفسه((انتي الي عمرك ماراح تفهميني))

لبنى((هي ستيف...شفيك؟؟..الحين مين الي فيه شي انا ولا انت))

ستيف((هاا...لا بس كنت افكر بكلامك))

لبنى((لاتشغل بالك...يلا روح اطلب لنا ابي اكل وارجع انام))

ستيف(وانتي من عرفتك وبس تنامين))

لبنى(يوه ستيف ترى راسي يوجعني))

ستيف((طيب بس انتي بتدفعين))

لبنى((ياالله عليك خلاص انا الي بدفع يالبخيل))

ستيف:ههههههههههه

&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&

رجعت البيت وهي تحس نفسها هلكانة ومالها خلق شي...

سمعت صوت وراها..صوت تكرهه وماتطيق تسمعه ابد...

بشاير التفتت عليه وارفعت اصبعها بتهديد:سعد قبل لا تفتح فمك بأي كلمة..هاذاني اقول لك تراني تعبانة ومالي خلقك ولاخلق ملاغتك زين

سعد:افا وش فيك علي

بشاير:اقلب وجهك سعد

سعد:فديتك

بشاير تاففت وصارت تقلب بعيونها...

سعد:فديت هالعيون الخضر

بشاير تاففت بنرفزة وطلعت الدرج...

سعد مسك يدها قبل لا تطلع:فديت هالمشية وهالطلة..فديت الشعر البني وهالجسم الغزال

بشاير سحبت يدها بقوة:سعد خلاص

سعد:وش فيك علي انتي..انا احبك

بشاير:وانا ما اداني اشوف وجهك..انقلع عني..فك ياخي انت شنو ماعندك احساس..تتهزء وعادي

سعد:مقبولة منك ياقلبي

دخلت ام بشايروهي مستغربة الصراخ الي تسمعه..

ام بشاير:شسالفة؟؟..شفيكم

بشاير ناظرت سعد:تكلم...قول لها وش صار

سعد ابتسم بارتباك:لا ولاشي يامرت ابوي بس يعني كنت اسال بشاير عن الجامعه وشنو مسوية وهي الله يهداها عصبت

ام بشاير:وانتي شفيك عليه بس تهاوشينه

نزلت دانة من الدرج بمشيتها الي كلها غرور كالعادة وهي شايله عبايتها...

ام بشاير:على وين؟؟

دانة ابتسمت وهي مالها خلق مرت ابوها:ابد..بروح عند صديقتي

ام بشاير:قلتي لابوك؟؟

دانة:ايه واذا مو مصدقتني روحي اساليه

بشاير اخذت شنطتها وركبت لفوق...وقفت بنص الدرج وبدت تطالع دانة من فوق لين تحت وكانها مو عاجبتها...

دانه:خير انتي بعد تناظريني كذا

بشاير:والله عاد انا اناظر بمزاجي

داني:لا ياعيون امك مو بكيفك

بشاير رمت اغراضها على الدرج حالفة لا تطلع حرة سعد باخته:وش بتسويلي يعني

ام بشاير:خلاص انتي وياها...دانة روحي لعند صديقتك وانتي روحي لغرفتك وذاكري الامتحانات مابقى لها الاشوي

تنهدت دانة بقهر ونزلت..

قبل لا تطلع حطت يدها على كتف اخوها وهمست باذنه:مدري وش عاجبك فيها

سعد ابتسم:بالله مو قمر

دانة التفتت على بشاير:قال قمر قال

طلعت بعد مالبست عبايتها...

شالت عبايتها وشنطتها من الدرج وبدت تصعد بس صوت امها وقفها...

ام بشاير:بشاير

بشاير التفتت:نعم

ام بشاير:انا كم مرة قلت لك لا تتهاوشين مع دانة هاذا اختك الكبيرة

بشاير:تخسى تصير اختي انا ماعندي غير اخت وحدة واسمها فاطمة

ام بشاير تنهدت:الكلام معك ضايع

تركتها ورجعت للمطبخ...

من القهر دورت أي شي ترميه او تكسره بس مالقت...ماشافت غير سعد الي واقف ويناظر فيها من فوق لتحت...

بشاير:خير انت بعد وش تناظر؟؟

سعد ابتسم واعطاها بوسة..

بشاير تافف وهي تصعد الدرج:ويقولون بعد ليه كل اطلع

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

اول مافتحت الباب ركضت لها بنتها...

ديما وهي تركض:ماما

اثير ابتسمت وهي ترفعها من الارض:ياروح ماما

منصور:جيتي حبيبتي

اثير حطت شنطتها على الارض...قالت وهي تتوجه للمطبخ وين مامنصور واقف...

اثير:وش قاعد تسوي؟؟

منصور:ابد بس ديما كانت جوعانة وقعدنا نحوس شوي

اثير حطت ديما على كرسيها:وشنو حستو ان شاء الله

منصور رفع لها الصحن:سوينا كيكة..تبين تذوقين؟؟

اثير عقدت حواجبها:مع ان شكلها مايطمن..بس مو مشكلة مايضر

اخذت قطعه منها واكلت شوي منها...

منصور:كلي اكثر كذا مايبين طعمها

اثير هزت راسها واكلت اكثر...حطت الكيكة على الصحن واكلت وهي عاقدة حواجبها...

ديما لما شافت امها تاكل صارت تبي تقلدها:ماما ابي اكل

اثير وهي تشرب الماي:ما انصحك حبيبتي لان بصراحة طعمها يقرف...استغفر الله

منصور:طيب جاملي على الاقل مو تقولينها بالوجه

اثير:تبيني اكذب يعني..(شالت قطعه ثانية ومداتها له)...جرب واحكم

منصور اخذها منها وحطها على الصحن:لا شكرا خلاص مصدقك

اثير:لاذوق الي انا ذقته

منصور:عقاب يعني؟؟

اثير:بالضبط..يلا اكلها

ظلت تحاول فيه لحد ما اكلها وندم على اليوم الي فكر فيه يسوي أي شي ينوكل...

اوصف لكم اثير...طويلة ونحيفة...حنطاوية..شعرها اسود طويل وكثيف يوصل لين
نص ظهرها...عيونها سودة وواسعة ورموشها كثيفة وطويلة..احلى مافيها عيونها
وصديقاتها يسمونها ام عيون..


&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

بالقصر...

اول ماوصلو رمو الشناط على الارض..

رزان بصراخ:ميري...ميري وعلة

ميري(الشغاله):نعم مدام

رزان:شنو نعم...يعني ماتشوفين الشناط..شيليهم

شوق:ايه وقولي لسوزن تجي وتودي شنطتي للبيت..(سوزن شغالة شوق)

ميري:اوكي مدام

اخذت الشناط وراحت...

رزان:يلا على الغرفة بوريك شي

شوق:يلا

وهم رايحين جهة الاصنصير سمعو صوت صراخ...

شوق:شسالفة؟؟

رزان رفعت كتوفها:مدري..بروح اشوف

توجهت لمصدر الصوت وكان من مكتب ابوها...لقت اخوانها الصغار سيف ونور واقفين عند الباب ويناظرون...

رزان:وش قاعدين تسون هنا

اول ماسمعو صوتها ركضو لها ودفنو روسم بمريولها...

رزان:شسالفة؟؟

سيف رفع راسه:ماما وبابا يتهاوشون

نور ببراءة اطفال:رزان...ليه ماما وبابا كل يتهاوشون؟؟

رزان طالعتهم بحنية...يكسرون خاطرها اخوانها...كل يصير فيهم كذا لما
يشوفون امهم وابوهم يتهاوشون...هي تعودت على هالوضع خلاص وطفشت منه...

رزان:لا حبيبتي هم مايتهاوشون هم ينتاقشون بس النقاش احتد شوي

سيف ونور:يعني شنو؟؟

رزان ضحكت على اشكالهم:يعني يتكلمون بس بصوت عالي وبعدين هم دايم كذا يعني عادي

نور:رزان ليه ماما وبابا مايحبون بعض

رزان:لامين قال كذا؟؟

سيف:الا صديقي مروان يقول ان امه وابوه يحبون بعض عشان هم مايتهاوشون

نور:ايه وحتى صديقتي سارة

رزان:لا حبايبي ماما وبابا يحبون بعض بس هم يتهاوشون شوي وبعدين يتصالحون مثلك انت ونور صح

سيف هز راسه وكانه اقتنع:ايوه صح

رزان:طيب يلا الحين روحو العبو مع شوق هي بالصالة

نور وسيف:لا وع احنا مانحب شوق هي كل تهاوشنا

رزان:هههههههه لا هي تلعب معاكم الحين جابت لكم حلويات

سيف:كذابة

نور:هي ماتحبنا شلون تجيب لنا حلويات

رزان تاففت من كلام خوانها الكثير والي اكبر منهم:بتروحون ولا شلون

سيف ونور:خلاص بنروح

ركضو للاصنصير وصعدو فوق...

رزان تنهدت وفتحت باب المكتب بقوة..

رزان بعصبية:وبعدين معاكم انتو الاثنين...كل يوم تتهاوشون وربي طفشت..يعني
لازم تفشلوني كل ماجا احد لهنا..عقدتوا عيالكم..عاجبكم كذا عيالكم الي
ماكملو السبع سنين يقولون انكم ماتحبون بعض...انتو ماتستحون...اوف منكم اوف

قالت الي عندها وبردت خاطرها وطلعت...وخلتهم مصدومين من كلامها...بس مع كذا مافي فايدة ورجعو يتهاوشون...

ابورزان:شفتي كل منك ومن اسلوبك الهمجي

ام رزان:انا ولا انت يالمراهق

ابورزان:انتي بس لو تفكيني من شكك وغيرتك البايخة

ام رزان رفعت حابجها:انا اغار عليك هاذا الي ناقص انا بس احاول اوقفك عند حدك قبل لا تضيعنا بتصرفاتك المتصابية

قالت كلامها وطلعت وخلته معصب...

ابو رزان بصراخ:انتي وحدة مجنونة

طنشته وراحت للاصنصير...

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

مشاعل جالسة عالمسن ومندمجة بالسوالف...فجأءة سمعت صوت الباب يفتح بقوة وبعدها صوت صراخ....

حطت السماعة على الطاولة والتفتت للباب...متعودة كل يوم على هالحال...

بشاير بعصبية:انا خلاص لازم انتحر

مشاعل وهي تسكر الباب:هههههههه..كل يوم تقولين كذا وللحين عايشة

بشاير:وجع ان شاء الله تبيني اموت

مشاعل فتحت الثلاجة الي عندها وطلعت(ام اند امز)...مدت الكيس لعند بشاير:خذي بس

بشاير فتحت الكيس وبدت تاكل:والله محد يعرفني غيرك

مشاعل:اعرفك اذا عصبتي لازم تاكلين كيس ام اند امز...على فكرة هاذا ادمان

بشاير:اقول لا يكثر واجلسي خليني اشكي لك

مشاعل:لحظة خليني استنتج سبب زعلك..ممم...سعد؟

بشاير:ودانة بعد...الله ياخذه هو واخته

مشاعل:طيب انتي ليه ماتعطينه فرصه يمكن هو يحبك من جد

بشاير بدت تاكل اكثر:حبه برص..وبعدين هو شاف وجهه قبل لايجي يقولي احبك...شاف اخلاقه...ياشيخه خليني ساكته

مشاعل:ههههههههههههههه

بشاير:ليه تضحكين؟؟

مشاعل:احسك قرفانة منه من جد

بشاير:اوف خليها على الله

فجاءة انفتح باب الغرفة...بشاير من الغرعة طيحت ال ام اند امز على الارض...

مشاعل التفتت وهي مستغربة...مين غير بشاير يسوي كذا...

بدر وقف وهو عاقد حواجبه:اسف ماكنت اعرف ان عندك ضيوف

بشاير من التوتر والخوف مو عارفة ايش تسوي...التفتت يمين يسار تدور
عبايتها بس لقتها بعيدة عنها...التفتت على بدر الي للحين واقف
ويعتذر...مالقت غير الستارة تتخبى وراها...

مشاعل وقفت بعصبية وسحبت اخوها لبرة....

مشاعل بعصبية:انت شفيك؟؟

بدر:وشو ماكنت اعرف ان عندك احد

مشاعل:لا والله...شوف هالكلام مايمشي علي كل مرة بتقول كذا

بدر:لا هالمرة جد...حتى كنت ابي اسالك عن شي

مشاعل:وشنو هالشي؟؟

بدر:ها..لا نسيت خلاص

مشاعل:بدر...وربي لو ما اختفيت من قدامي الحين بيصير شي مايسرك

بدر:زين بختفي بس قولي لي...مين هاذي؟؟

مشاعل:يعني اول مرة تشوفها

بدر:لا بس اول مرة اشوفها كذا...بصراحة توني ادري انها قمر كل ما اشوفها القاها لابسة العباية

مشاعل:وش رايك يعني تبيها بدون عباية

بدر:خلصينا عاد مين هاذي؟؟

مشاعل:صديقتي

بدر وهو يطالع مشاعل من فوق لتحت وكانها مو عاجبته:انتي تصادقين هالقمر ذي

مشاعل:ليه وش فيني اصلا انا احلى منها

مشاعل كانت طويلة وحنطية يعني سمارها زي سمار الهنود..عيونها وساع نوعا ما
ولونها اسود رموشها طويلة وخفيفة...نحيفة وشعرها اسود لين نص ظهرها....

بشاير كانت بيضا وعيونها صغار لونها اخضر...شعرها بني قصير لين كتفها
وناعم...كانت مليانة شوي لاهي سمينه ولا نحيفه...ومو طويلة مرة بس نقدر
نقول عنها انها مملوحة بشكل عام...


بدر:أي صح

مشاعل:اقول عطيتك وجه بزيادة اذلف يلا

بدر:عليك اسلوب اعوذ بالله

مشاعل بحده:بدر

بدر وهو يبعد:طيب طيب خلاص رحت

مشاعل تاففت ودخلت للغرفة....

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

بنيويورك الجو غير تماما...

جالسة ع الكنب وتناظر بالناس...تحس انها اليوم تعبانة ومالها خلق شي...

ستيف بصراخ لان صوت الاغاني عالي((شفيك؟؟))

لبنى((احس راسي يوجعني))

ستيف((تبين نطلع برة؟؟))

لبنى((لا ماله داعي...عطني زقارة وانا بروق بعدين))

ستيفk

طلع لها من جيبه زقارة ومدها لها...(طبعا هاذي مو زقارة عادية...هاذي حشيش)...

اخذتها منه وحتطها بفمها....كانت تدور بجيبها على ولاعة..انتبهت بيد قدامها ومادة لها ولاعة...

لبنى رفعت راسها تشوف مين...تنحت للحظة وهي تناظر فيه...كان نسخة من ديفد بيكهام...

لبنى حست على نفسها..رفعت حاجبها((خير؟؟))

الولد مد لها الولاعة((ممكن))

لبنى طلعت ولاعة من جيبها وولعت لنفسها:no thinks

الولد طالع فيها وبعدين ناظر بستيف....سيتف اول ما شافه رفع كتوفه وكانه يقول له مالي دخل...

لبنى((في شي؟؟))

الولد مد لها يده((ممكن ترقصين معي))

لبنى مسكت يد ستيف((اسفة بس انا وعدته ارقص معه))

سحبت ستيف بسرعة وراحت لعند مكان الرقص...

اول مابعد عنه التفتت على ستيف((ستيف شفته شلون...يهبل))

ستيف((على فكرة انا عدت افهمك))

لبنى((وش قصدك؟؟))

ستيف((يعني هو عاجبك ليه صديتيه كذا))

لبنى((ستيف ستيف ستيف....انت ماتعرف لهاذي الحركات...هاذي حركات بنات انت خلك بس كذا اركض ورا ميشيل))

ستيف((وش تبيني اسوي يعني))

لبنى((قلت لك طنشها وبتشوفها هي الي بتركض وراك))

انتبهت بالولد نفسه واقف يطالعها..قالت بهمس...

لبنى((ستيف قاعد يطالعني))

ستيف((تحبين ترقصين معه))

لبنى((لا يالغبي..امش نطلع))

ستيف((نطلع وين؟؟))

لبنى((نطلع برة انت روح لبيتك وانا بنتظر برة))

ستيف((ليه؟؟))

لبنى((يالله ستيف شغل مخك...سو الي قلتلك عليه))

ستيف((اوكي))

طلعو اثنينهم مثل ما اتفقو...ركب ستيف سيارته وبقت لبنى واقفة برة...

التفتت يمينها ويسارها تشوف لو في احد واقف...لما ما لقت احد شالت جزمتها وبدت تصقعها بالرصيف....لحد ماانكسر الكعب...

انتبهت باحد طالع من البار الي كانو فيه...لبست جزمتها بسرعة ...

لبنى بتصنع((اوف))

سمعت صوت وراها...التفتت ولقته نفس هاذاك الولد...

الولد((ايش فيه))

لبنى لفت وجهها وهي تخفي ابتسامتها((ولاشي))

الولد((اقدر اساعدك))

لبنى((الكعب حقي انكسر...ما اعرف ايش اسوي))

الولد((ممكن اساعدك))

لبنى وهي ترمش بعيونها الرمادية((كيف بتساعدني؟؟))

الولد((ممكن اوصلك للمكان الي تبينه))

لبنى وهي تحاول تخفي ابتسامتها((ممم...ما ادري))

الولدlies

لبنى رفعت كتوفهاk

الولد((تفضلي))

لبنى((وين سيارتك؟؟))

الولد((هناك بالشارع الثاني))


لبنى ناظرته وبعدين ناظر كعبها المكسور...وكانها تقول له ما اقدر امشي كذا...

الولد فهم((ممكن ارفعك))

لبنى ابتسمت:thinks

رفعها ووداها لحد السيارة..فتح لها الباب وركبها وهو ركب من الجهة الثانية...

لبنى:والله انكم ياالاولاد اغبياء

الولد((ايش قلتي؟؟))

لبنى ابتسمت((ولا شي...شكرا مرة ثانية))

الولد ابتسم((وين تسكنين؟؟))

لبنى دلته على المكان..

بالطريق...

الولد((ممكن اعرف اسمك))

لبنى((اسمي ريتشل))

الولد((وانا دانيل...ريتشال ممكن اطلب منك طلب))

لبنى((اكيد))

الولد((ممكن اعزمك على العشا))

لبنى((وين؟))

الولد((أي مكان تحبينه))

لبنى ببتسامة((اوكي))

خلونا نوصف لبنى شوي...هي نحيفة وشعرها اسود لين كتفها بس هي صابغته بني
زي الشكولاته...ناعم عيونها رمادية بس مو وسيعه مرة عادية...بيضا وفيه نمش
خفيف على وجهها من جهة وجنتها...يعني ببساطة نقدر نقول عنها كيوت...بس الي
مخرب عليها انها قصيرة شوي...عشان كذا دايم تلبس كعب...


&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

رزان جالسة على الكرسي الهزاز الي بغرفتها ومقهورة من تصرفات امها وابوها...


شوق:يوه عاد لا تقعدين تهزين كذا وترتيني

رزان:يعني عاجبك الي يسويه عمك وزوجته

شوق:هاذولا امك وابوك

رزان:تكفين عاد امي وابوي...لاتخليني اصدق

شوق تاففت من كلام رزان الي تعيده كل ثانية....فتحت شنطتها وطلعت علبة زقاير...

شوق مدت وحدة لرزان:خذي هدي اعصابك

رزان اخذت وحدة وهي تهز من العصبية:وانا عاد فيني اعصاب

شوق ولعت لها وولعت لرزان....

شوق وهي تجلس عند البلاكونه:اهدي ترا مافي شي يسوى...وامك وابوك كذا من يوم ماانخلقتي ويمكن قبل بعد

رزان:بس انا تعبت خلاص ماعدت استحمل

شوق:طيب وش بتسوين؟؟

رزان قربت من شو وجلست قدامها:انا عندي فكرة بس ابيك تساعديني فيها

شوق تحمست:ايش؟؟

توها رزان بتتكلم الايرن جوال شوق...

رزان:اوف هاذا وقته

شوق راحت لشنطتها:دقيقة

رفعت الجوال تشوف مين الي دق...عقدت حواجبها وهي تشوف رقم غريب...

رزان:مين؟؟

شوق:رقم غريب

رزان:اكيد واحد يستهبل لاتردين

شوق رفعت حاجبها وابتسمت:وانا احب الاستهبال

رزان:اوف منك

ردت شوق بكل دلع:الو

........:هلا والله

شوق:اهلين مين معاي؟؟

.......:انا واحد

شوق:واحد ولا اثنين

......:هههههه حلوة

شوق:ادري من يومي حلوة

......:ودمك خفيف

شوق:وانت بايخ وماتنبلع...وش تبي؟؟

........:ممكن نتعرف

شوق:قل قا

......:يلا عاد انا اتكلم من جد

شوق:اقلب وجهك بس

........:افا لحظة شوي وش فيك علي

شوق:داق علي تقول تبي تتعرف وتبيني اكلمك بعد انت شنو ماتستحي

........:انا برضو الي ما استحي

شوق عصبت:لا ولله اشوفها طالت وتشمخت يلا بس انقلع ولا عاد ابي اشوف رقمك على جهازي فاهم

سكرت الخط بوجهه والتفتت على رزان..

شوق:وش فيك تناظريني كذا...تبينه خوذيه استهبلي عليه بدال النكد الي انتي فيه...

رزان:شوق انتي تعرفيني ما احب هالحركات

شوق:شف بس مين يتكلم

رزان:ايه زين ما احب هالحركات...وانتي تعرفين اني اسوي أي شي وكل شي بس عند ال boys sorry stop

شوق:طيب خلاص اعصابك...وشو كنتي تبين تقولين

رزان:ايه صح ذكرتيني...اسمعي

نوصف شوق شوي...شوق بيضا طويلة ونحيفة يعني الي يشوفها يقول هاذي عارضة
ازياء...شعرها كيرلي قصير لحد كتفها بس كثيف لونه بني غامق مايل
للسواد...عيونها عسلية...

&&&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&&

اليوم الثاني كان يوم الخميس يعني اجازة..الكل متجمع في قصر شوق على اساس يذاكرون مع بعض الان الاختبارات قربت...

بس طبعا لما تجمعو اخذتهم السوالف ونسو المذاكرة...

شوق:اقول اثير

اثير:هلا

شوق:ليه ماجبتي ديما معاك

اثير:تبي تروح الملاهي وابوها وداها...وبعدين انا جاية على اساس اذاكر مادريت انها بتنقلب سوالف عشان كذا ماجبتها

مشاعل شالت المايك والتفتت على اثير:والله وحشتني هالدبة

رزان:بنات عندي لكم شي ابي اقوله لكم

شوق:رزان مو وقته

رزان:اجل متى؟؟

بشاير:شسالفة؟؟

شوق:لا ولاشي...(وقفت)...رزان تعالي ابغاك شوي

رزان وقفت:اوكي

طلعو برة الغرفة وراحو لجناح ثاني...

مشاعل:شسالفة؟؟

اثير رفعت كتوفها:مدري

عند شوق ورزان...

شوق:رزان شفيك انتي انا موقلت لك بعدين

رزان:وش بيضر يعني اخر شي راح يعرفون

شوق:اذا قلنا لهم الحين بيقعدون يطلعون مليون عذر...بس لما نحطهم قدام الامر الواقع كل شي بيتغير

رزان:يعني انتي تتوقعين انهم يرفضون؟؟

شوق:يمكن يرفضون لو قلنا لهم الحين بس لو قلنا لهم بالبارتي ما يقدرون يقولون شي

رزان:خلاص الي تشوفينه

سمعو صوت جاي لجهتمهم...

عبد العزيز:اهلين ياصبايا

شوق ورزان:هلا والله

عبد العزيز:شلونك رزان؟؟

رزان:تمام وانت؟؟

عبد العزيز:تمام

شوق:وانا اختك ماتسالني عن اخباري

عبد العزيز:شبي فيك قدامي 24 ساعة

شوق:ماعلينا...وين بتروح؟؟

عبد العزيز:بطلع مع اخوياي

رزان:اخوياك؟؟

عبد العزيز رفع حاجبه:اقول رزان ترا ما احب هالنغزات

رزان:طيب اعصابك ماقلنا شي

عبد العزيز لبس نظارته:على بالي بعد

نزل وتركهم واقفين...

شوق:ياملغه

رزان:حرام عليك والله انه حبوب

شوق:لانك مو عايشة معه بالبيت تقولين كذا

رزان:ليه انتي واخوك تلتقون اصلا ياهو طالع يا انتي طالعه

شوق:وش قصدك يعني احنا هايتين

رزان:والله انا ماقلت شي بس الي على راسه بطحى

شوق:اقول انطمي

رن جوال رزان....طلعته من جيبها وناظرت بالرقم..(تغريد تتصل)....

رفعت راسها وناظرت بشوق...عطت تغريد مشغول ورجعته لجيبها...

شوق رفعت حاجبها:مين؟؟

رزان ابتسمت بارتباك لانها تعرف ان شوق تكره تغريد:لا محد مهم يلا تعالي

سحبتها ورجعو لعند البنات...

الحين نجي عند وصف رزان...نحيفة وطويلة...وجهها دائري نوعا ما مليان
شوي...خدودها دايم حمره طبيعي...شعرها بني فاتح وفيه خصل عسلية...عيونها
بني فاتح...


&&&&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&&&&

باليل...

عبد العزيز جالس بالكوفي مع صديقه سلطان...

سلطان:الحين ممكن اعرف ليه مكشر؟؟

عبد العزيز حط الزيقارة بالطفاية:مافيني شي

سلطان:لا والله

عبد العزيز تنهد وقال بدون ما يناظر بسلطان:والله مدري شقول لك يا سلطان..بس احس اني متضايق شوي

سلطان:من شنو؟؟

عبد العزيز التفت له:شفتها

سلطان:مين؟؟

عبد العزيز:مين يعني

سلطان:فاطمة؟؟

عبد العزيز هز راسه وقال بهدوء:ايه

سلطان:شلون ومتى؟؟..طيب شنو قلت لها؟؟

عبد العزيز:شلون شفتها كانت صدفة..ومتى امس..وشنو قلت لها..ولاشي

سلطان وقف:ولاشي؟؟...الحين انت كنت مقطع عمرك عشان تشوفها ولما شفتها ماقلت لها شي

عبد العزيز:اول شي اجلس ولاتتحمس وبعدين وش تبيني اقول لها يعني...وحدة
احبها وقالت لي ما ابيك وش تبيني اقول لها...يعني امسك فيها غصب

سلطان جلس:بس عزوز انت تحبها من جد

عبد العزيز:شوف سلطان ان تكلمت بهالموضوع مرة ثانية بقوم واخليك

سلطان:طيب خلاص سكر ع الموضوع بدر جا

عبد العزيز:مين هاذا الي معاه؟؟

سلطان:هاذا فهد ولد عمه

بدر:هلا شباب

عبد العزيز وسلطان:اهلين

بدر:عرفكم هاذا فهد ولد عمي...طبعا انت تعرفه سلطان

سلطان:هلا والله تفضل

عبد العزيز وهو يطالع فهد من فوق لتحت وقال بدون نفس:هلا

فهد رد له النظرات:اهلين

عبد العزيز وقف:طيب عن اذنكم

بدر:على وين يا ابو الشباب؟؟

عبد العزيز:عندي مشوار

طلع وبعد عنهم...

فهد جلس:ليكون ضايقناه بس

سلطان ابتسم:لا شدعوة...بس هو اصلا كان بيطلع قبل لا تجون

فهد رفع حاجبه:اهاا قلتلي


&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

رجعت البيت وهي تحس نفسها هلكانة...

اخذت دش سريع وطلعت عشان تنام..بعد الرياضة الي سوتها اليوم لازم تنام وماتقوم الابكرة الصبح...

حطت راسها على المخدة وغمضت عيونها...اخذت نفس عشان تسترخي وتنام براحة....

بس صوت التلفون ازعجها...تاففت وغطت وجهها ونامت...

سمعت صوت احد يطق الباب...

لبنى((مين؟؟))

نوريا((انسة لبنى ابوك على التلفون))

اول ماسمعت طاري ابوها..فزت من نومها وركضت للسماعة...

رفعتها بشق ولهفة...من زمان ماسمعت صوته....

لبنى:هاي dad

ابو لبنى:هلا والله بحياتي

لبنى:رجعت من السفر؟؟

ابو لبنى:توني داخل البيت

لبنى:الحمد الله على السلامة

ابو لبنى:الله يسلمك حبيبتي

لبنى:اشتقت لك dad

ابو لبنى:وانا بعد اشتقت لك...طيب تعالي للسعودية دامك اشتقتي لي

لبنى:dad بليز كم مرة نتطلم بهاذا الموضوع...طيب انت ليه ماتجي لهنا

ابو لبنى:والله مشغول بس ان شاء الله قريب بجي

لبنى:اخبارك؟؟

ابو لبنى:انا بخير اهم شي انتي شلونك وشلون عايشة..عسى بس بعدتي عن الخرابيط هاذيك

لبنى:افا عليك يبا انا وعدتك

ابو لبنى كان يقصد المخدرات لان لبنى من اول سنتين جت فيهم
لامريكا...تعرفت على ناس موكويسين وخلوها تدمن على المخدرات بس ابوها اول
ما عرف نقلها لولاية ثانية ووداها لمصحة علاج...وظل معاها لحد ماتعالجت
وبعدين جاب لها نوريا تهتم فيها...

ابو لبنى:نوريا قالت لي انك كنتي نايمة ليكون ازعجتك

لبنى:انت تزعجني..مستحيل

ابو لبنى ابتسم:توصين على شي يابنتي...محتاجة لشي؟؟

لبنى:لا بابا سلامتك بس لا تقطعني

ابو لبنى:اكيد ياقلبي بدق عليك كل يوم

لبنى:يعني ماراح تسافر؟؟

ابو لبنى:الا بروح للامارات بس بجلس هناك اسبوعين وبرجع بس هاذا مو معناته اني ماراح اكلمك كل يوم

لبنى ابتسمت:اوكي

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

جالسة بالسيارة وتناظر بالسيارة الي بجمبها...

كان فيها واحد مملوح بس المشكلة انه ما التفت لها حتى...شكله مو منتبه ان في سيارة جمبه...

ظلت تفكر شلون بتلفت انتباهه قبل لا تفتح الاشارة...

شوق:كومار شغل الراديو

كومار:اوكي مدام

شغل الراديو وكانت اغنية...تامر حسني يابنت الايه..

شوق ابتسمت:عز الطلب....كومار علي على الصوت

على الصوت على اخر شي...عارف حركات شوق وحافظها...

شوق فتحت النافذة وشالت الحجاب وفتحت شعرها...طلعت المراية من الشنطة وسوت نفسها مشغولة بالقلوس الي تحطه...

اخيرا انتبه لها والتفت لمصدر الصوت..شاف شوق وهي تحد القلوس بكل دلع وترتبه وتمسح الزايد على شفايفها...

فتحت الاشارة...ابتسم ولحقهم بالسيارة...

شوق طالعت المراية حقت السواق وشافت السيارة وراهم...
ابتسمت بخبث...

شافت الاشارة قدامهم...قالت للسواق يبطي عشان بوقف عند الاشارة...

وقف عن الاشارة ووقفت سيارته جمبهم...

رجعت شعرها لورى وسوت نفسها توها تنتبه له...

رفعت حاجبها بغرور وهي تناظر فيه...اشر لها تفتح البلوتوث...

توها كانت بتفتحه بس صار الي مو على بالها...انتبهت بسيارة(كادليك)مو غريبة عليها...

شوق بخوف:كومار طفي الراديو

كومار سكره بسرعة

شوق سكرت النافذة بسرعة..والتفتت على السيارة مرة ثانية...كانت سيارة اخوها..

شوق:يالذا النشبة الحين وش بسوي...وكيف بفتك من هاذا الي جمبي

ومن حظها الحلو ان اخوها وقف جمب سيارتهم..


&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

>>>الجزء الثاني<<<

جالسة بالسيارة وخايفة...تدعي ربها ان الاشارة تفتح باسرع وقت قبل لا يشوفها اخوها...وساعتها الله وحده العالم وش بيصير فيها...

حست فيه يطق دريشتها ويطلب منها تفتحها..حطت يدها على وجهها والتفتت للجهة
الثانية...وتمنت انها ماتت قبل لا تلتفت..الموت عندها ارحم من الي هي فيه..

التقت عيونها بعيون عبد العزيز...

شوق وهي عاوجة فمها:كملت

عبد العزيز رفع جواله ودق عليها...

حست دقات قلبها تزيد وهي تشوف رقمه...ردت وهي تحاول تبين عادي...

شوق:قوة عزوز

عبد العزيز:الله لا يقويك وش تسوين عندك؟؟

شوق:عزوز وش فيك علي...كنت عند صديقتي والحين برجع البيت

عبد العزيز:تعرفين كم الساعة الحين

شوق:ايه 11 واذا يعني

عبد العزيز:اول شي الساعة 11 ونص وثاني شي انتي بنت ومايصير ترجعين البيت بوقت مثل هاذا

شوق:انت وين عايش شنو مايصير ارجع البيت بهاذا الوقت

سمعت صوت طق على الدريشة حقتها مرة ثانية...

شوق(استاهل انا الي جبته لنفسي)...

عبد العزيز انتبه للي جمبهم:هاذا شيبي؟؟

شوق بارتباك:وانا وش دراني...خله يولي

عبد العزيز:خله يولي ها...انا اوريك الحين...ارجعي البيت بسرعة وشغلي معك بعدين

شوق:يصير خير

عبد العزيز:وربي ياشوق لو مارجعتي البيت الحين ماراح يصير لك خير

شوق:خلاص قلت اوكي

عبد العزيز:نشوف

سكرت منه وقالت للسواق يروح البيت باسرع ماعنده ويحاول يضيع الي جمبهم...

&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&

رجعت البيت وهي خايفة لا يجي ويسوي فيها شي...

كانت تبي تروح لغرفتها بسرعة وتهرب منه...

توجهت للاصنصير لانه اسرع...فتح باب الاصنصير وكانت بتدخل..وقفها صوت اخوها من وراها...

عبد العزيز بعصبية وصراخ:شوق

حست ان روحها بتطلع من الخوف...هي تعرف اخوها كويس صحيح انه راعي هبال ومزاج بس اذا جد الجد مايتفاهم يده والكف...

شوق التفتت وقالت ببرود:نعم

عبد العزيز قرب منها:الله لا ينعم عليك...توك راجعة ها

شوق رفعت حاجبها وهي تناظره:على اساس انت الي جاي من الساعة 6

عبد العزيز مسك كتفها بقوة:انا ولد ارجع 6 الصبح ان شاء الله محد يقدر يفتح فمه...بس انتي بنت

شوق سحبت يدها بقوة:اتركني بس...وبعدين انت مالك شغل فيني

عبد العزيز:انا اخوك وغصبن عنك لي شغل فيك

شوق بطفش:اوف

ابو عبد العزيز:وش فيكم؟؟...ليه هالصراخ

شوق ركضت لابوها ومسكت كتفه:بابا شوف عبد العزيز يصرخ علي

ابو عبد العزيز:وانت شفيك ماتفهم...كم مرة قلت لك مالك شغل باختك

عبد العزيز:حتى لو سوت غلط

ابو عبد العزيز:ليه وش مسوية؟؟

عبد العزيز:توها راجعة من البيت الحين

شوق بسرعة:لا والله بابا انا راجعة من نص ساعة بس هو الي قعد يهزئني للحين

ابو عبد العزيز وهو يناظر ساعته:يعني كنتي راجعه من 11 ونص

شوق:لا بابا 11 وربع

عبد العزيز:يكون عدلتيها الحين

ابو عبد العزيز:اسكت عاد ولا تصرخ عليها...بعدين احمد ربك راجعه 11 مو راجعه 3

عبد العزيز فتح عيونه وهو يناظر بابوه... هاذا كيف يفكر...

ابو عبد العزيز وهو يوجه كلامه لشوق وقال بحنان:خلاص حبيبتي روحي نامي الحين ولا تتاخرين مرة ثانية كثير طيب

شوق:اوكي بابا..تصبح على خير(باست خده وراحت لجه الاصنصير)...

عبد العزيز تنهد وراح عند الباب عشان يطلع مرة ثانية...

ابو عبد العزيز:الحين متعني وجاي عشان تهاوش اختك والحين بتطلع..جد ماعندك سالفة

عبد العزيز طنش كلامه وطلع...

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

رزان وهي تضحك:هههههههه احسن تستاهلين

شوق:اقول كلي تبن والله لو ابوي ماجا والا كان ذبحني

رزان:ليته ذبحك عشان نفتك منك

شوق:الشره مو عليك علي انا الي اكلمك واشكي لك

رزان:انا ادري عنك عندك مليون غيري لا ومن الجنسين بعد اشكي لهم

شوق:وش قصدك؟؟

رزان وهي كاتمة ضحكتها:ولاشي

شوق:على الاقل انا احسن من غيري

رزان:من تقصدين؟؟

شوق:الي على راسه بطحى

رزان توها بتتكلم بس رن جوالها الثاني...رفعته وشافت تغريد تتصل..

ضربت راسها بخفة شلون نستها...

رزان:حبي شوق

شوق:بس خلاص عرفت اكيد الي ماتتسمى دقت

رزان:وش فيك عليها والله حرام عليك البنت حبوبة

شوق:بنت؟..متاكدة انها بنت

رزان:اوف منك خلاص يلا باي

شوق:باي

رفعت السماعة وردت عليها...

رزان:هلا وغلا

تغريد:هلا ياعمري وش فيك ماتردين علي...سافطتني اليوم

رزان:لا والله ياتغريد مو سافطتك ولا شي بس اليوم كنت مشغولة شوي بالمذاكرة تعرفين الاختبارات قربت

تغريد:ياقلبي انا كم مرة قلت لك لا تناديني تغريد

رزان:يوه والله سوري بس المذاكرة لخبطتني يا مازن

تغريد:ايوه كذا تعجبيني

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

{سواها قلبي}

رجعت البيت وفتحت ايميلها وهي كلها شوق وتتمنى انه يكون موجود...

هي ماتحبه بس اشتاقت له ماتدري ليه تحس كذا...

كتبت كلمة المرور وظلت تناظر فيه لحد مافتح...اختفت ابتسامتها لما مالقته موجود...

مشاعل:اوف طلعت من الجامعه بدري ع الفاضي

رجعت ابتسامتها لما لقت رسالة منه...

[هاي ندى كيفك؟؟...انا بالشركة الحين مدري ليه طريتي على بالي وقلت ارسل لك رسالة...اتمنى اكون ماضايقتك فيها...طمنيني عليك ياقلبي]

رمت نفسها على السرير وهي مبتسمة بهدوء....حطت يدها على قلبها...حسته يدق مليون مرة بالثانية..

لاشعوريا لقت نفسها رافعة السماعة وداقة عليها...الانسانة الوحيدة الي تقدر تحكي لها كل الي بقلبها...مهما بعدتهم المسافات...

طلع لها صوتها الي كله نوم...

لبنى:الو

مشاعل بهدوء ورومانسية:قالي ياقلبي

لبنى وهي تفرك عيونها وتتثاوب:مين؟؟

مشاعل بنفس النبرة:فهد

لبنى:ولد عمك؟؟

مشاعل قامت من السرير وتغيرت نبرتها:لااا...(رجعت رمت نفسها على السرير)...اقصد فهد..حق الماسنجر

لبنى:? so wat ...((واذا يعني))... وكانه يعني اول واحد ولا اخر واحد يقولك كذا

مشاعل:لا يا لبنى هالمرة غير...منه طالعه غير

لبنى:اقول ميشو

مشاعل:هلا

لبنى:ليكون حبيتيه؟؟

مشاعل:لا..بس مدري احس اني مبسوطة وبس يعني لازم اكون احبه

لبنى:انا ماقلت كذا بس تصرفاتك وكلامك يقولون كذا

مشاعل:مو مهم...متى بتدخلين المسن بيشو الدبة تبي تكلمك

لبنى:وربي وحشتني هي والبنات

مشاعل:وليه ماتجين؟؟

لبنى:لا تعرفيني ما احب جو السعودية

مشاعل:انزين يابنت امريكا ماجاوبتيني

لبنى ابتسمت:ممم متى بيجون عندك البنات؟؟

مشاعل:مدري بس اتوقع بنروح لعند رزان لان اخر مرة كنا عند شوق

لبنى:خلاص لما تقررون دقي علي وخبريني عشان ادخل

مشاعل:ان شاء الله...وانتي شخبارك؟؟ وشخبار المزيون

لبنى تنهد:انفصلنا

مشاعل:افا ليه؟؟

لبنى:طفشت منه

مشاعل:لا حول ولاقوة الا بالله...دام انك طفشتي منه اكيد لقيتي الي احلى منه

لبنى تحمست:ايه شفت واحد يشبه دفيد بكهام

مشاعل بحماس:no way((مستحييل))

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&


بعد ماخلصو البنات المحاضرة...

رزان وهي تسحب شوق وبشاير:يلا بسرعة لا نتاخر

شوق:طيب شوي شوي..الكعب بينكسر

بشاير:ياااي ما اقدر ع الكعب

شوق:انطمي انتي

ركبو السيارة...

رزان:خلاص بس...(قالت وهي توجه كلامها للسواق)..روح للظهران

السواق:ظهران مول

رزان:لا منطقة الظهران

السواق هز راسه:جين ماما

&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&


جالسة وكل شوي تناظر الساعة بتوتر...

منصور مسك يدها:حبيبتي شفيك؟؟

اثير:بالي مشغول على ديما...حاسة ان فيها شي

منصور تنهد:حياتي مافيها شي...اصلا لو فيها شي كان دقوا علينا الشغالات صح ولا لأ

اثير وهي تحاول تهدي نفسها:ايه..صح

منصور:يعني مانقدر نجلس مع بعضنا وبالنا مو مشغول بشي ثاني

اثير تنهدت وهي تناظر بيده..رفعت راسها له:الا نقدر

منصور ابتسم:ايوه خلك كذا..انسي كل شي وخليك معي وبس

اثير:منصور انت تحبني؟؟

منصور باس يدها:وانتي عندك شك

اثيرر فعت كتوفها:لا..بس ابي اتاكد حرام

منصور:لا مو حرام...وانا احبك وامووت فيك بعد

نزلت راسها باحراج وحمرت خدودها...

منصور:اقول حياتي

اثير رفعت راسها:لبيه

منصور:ماودك ننجن شوي

اثير باستغراب:كيف يعني؟؟

منصور:يعني الحين وبهاذي الحظة نروح الشليهات

اثير رفعت حواجبها:انت من جدك كذا فجاءة

منصور:ايه الحين..يلاقومي

اثير:وين انت شفيك...لا مايصير

منصور:وليه ان شاء الله؟؟

اثير:اول شي بنتك لحالها بالبيت وثاني شي مامعنا ملابس ولاشي

منصور:مو لازم ندبر نفسنا..الحين نروح السوق ونشتري أي شي يلا قومي

اثير:وديما؟؟

منصور:بدق على اختي تروح عندها...يلا

اثير وقفت معاه:ههههههه والله انك مجنون

منصور:بحبك ياقلبي

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

اليوم الثاني...

فتحت الدولاب وجلست تدور فيه فستان تلبسه في البارتي..

رن جوالها...

رزان:هلا والله

تغريد:اهلين بالقمر..شخبارك؟؟

رزان:تمام وانتي؟؟

تغريد:تمام

رزان:بتجي البارتي اليوم ولا لأ

تغريد:معلوم بجي

رزان:اوكي اجل اشوفك هناك

تغريد:اقول رزان

رزان:هلا

تغريد:بجيب معي صديقتي عادي

رزان:اكيد عادي جيبي الي تبينه

تغريد:اوكي اجل باي

رزان:باي

&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&&

باليل..

بدت البارتي وصوت الاغاني مالي المكان...

كانت برة بالسيارة مع اخوها وصوت الاغاني واصل لبره...

فراس:الحين هاذا الازعاج من عندكم

مشاعل:اكيد يعني بيكون من وين

فراس:استغفر الله

مشاعل:ايش فيه بعد؟؟

فراس:يلا بس انزلي صوت الاغاني مزعج وانا ما احب اسمعها

مشاعل(انا الغلطانة الي اخليه يوصلني):انزين يلا باي

فراس:احنا وش قلنا على هالكلمة

مشاعل:sorry مع السلامة

طلعت وسكرت الباب....

دخلت وهي تدور بعيونها على صديقاتها...استغربت من كثر الناس المعزومين...ناس تعرفهم وناس لا...

حست باحد يشدها من فستانها...التفتت وماشافت احد..نزلت راسها وشافت بنت اثير...

مشاعل ببتسامة:هلا

رفعتها وباستها....

اثير ابتسمت:من مساع اناديك ماتسمعين

مشاعل:هههههه والله ماسمعت شي ازعاج هنا....وين البنات؟؟

اثير:شوق ورزان داخل الغرفة وبشاير لسى ماجت

مشاعل:اوكي يلا نروح عندهم ابي اعدل مكياجي

اثير:يلا

بعد ساعة اجتمعو كل البنات وبدت البارتي جد...

الكل جالسين على الطاولة...طاولة فيها 6 كراسي...

الكل جلس بمكانه وبقى مكان فاضي والك يناظر بهاذا الكرسي..

اثير:وربي اشتقت لها وودي اشوفها

بشاير:من جد لها وحشة

شوق التفتت على رزان:اتوقع وقته الحين

رزان وقفت على كرسيها:احم احم ممكن تنتبهون علي شوي

البنات التفتو عليها بهتمام...

فتحت شنطتها الي بجمبها وطلعت منها ظروف بعددهم ومدت لكل وحدة ظرف...

اثير وهي تناظر بالظرف:شنو هاذا؟؟

شوق:افتحيه وبتعرفين

فتحو البنات الظروف...

بشاير وهي تناظر برزان:تذاكر؟؟

رزان هزت راسها وهي مبتسمة:هاذي هدية نجاحكم ياحلوين...تذكرة سفر

مشاعل:على وين؟؟

شوق وقفت فوق الكرسي بجنب رزان وقالو بصوت واحد:نيويورك عند لبنى

البنات وقفوا للحظة مو مستوعبين...

رزان:ههههههه شفيكم كذا كان احد صافقكم

مشاعل:لابس تفاجأنا شوي

شوق:ترا الرحلة بعد اسبوع ومانبي أي مناقشات

اثير:الصراحة المفاجأة ولا اروع بس يمكن ما اقدر اروح

مشاعل:وانا بعد

شوق:ليه؟؟

بشاير:شوق لازم اقول لامي اول ومااتوقع ترضى

رزان:اوف يعني لازم تنكدون

مشاعل:وانا لازم اقول لفراس ولماما

اثير:ايه ويمكن منصور مايرضى

شوق:عاد شوفو تدبرون نفسكم انا مالي شغل...الرجلة بعد اسبوع وانا خبرتكم

البنات التفتو على بعض وكل وحدة منهم تتمنى تروح بس الواقع غير...

رزانوالحين يلا فكوا العقدة الي بوجيهكم وخلونا ننبسط ترا مو كل يوم يحصلكم بارتي يلا

قامو البنات وبدو يرقصون ويستهبلون وماحسو بالوقت الي يركض منهم...

&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&

{اشتاق لك...مايعني اني احتاج لك}

بعد البارتي...

رمت عبايتها على السرير وفتحت الاب توب على طول...حتى انها مامسحت المكياج لسى...

فتحت المسن ولقته موجود...


ليت الوداع يوموت لاجيت اودعك..ولانموت اثنينا بوقت واحد:

هلا بلي هجرني وراح

#ان جبتها بالعباطة!..اطلع لك عبيطة#:

هههههه اهلين

ليت الوداع يوموت لاجيت اودعك..ولانموت اثنينا بوقت واحد:

اخبارك ياقلبي؟؟

#ان جبتها بالعباطة!..اطلع لك عبيطة#:

تمام وانت؟؟

ليت الوداع يوموت لاجيت اودعك..ولانموت اثنينا بوقت واحد:

بخير دامني تطمنت عليك وحشتيني مووت يادوبة

#ان جبتها بالعباطة!..اطلع لك عبيطة#:

ههههه وانت بعد وحشتني

ليت الوداع يوموت لاجيت اودعك..ولانموت اثنينا بوقت واحد:

جد والله اشتقتي لي؟

#ان جبتها بالعباطة!..اطلع لك عبيطة#:

ايه

ليت الوداع يوموت لاجيت اودعك..ولانموت اثنينا بوقت واحد:

فديتك ياقلبي..كيف كانت البارتي اليوم؟؟

#ان جبتها بالعباطة!..اطلع لك عبيطة#:

رووعة وصديقتي عطتني هدية اروع

ليت الوداع يوموت لاجيت اودعك..ولانموت اثنينا بوقت واحد:

شنو هي؟؟

#ان جبتها بالعباطة!..اطلع لك عبيطة#:

تذكر صديقتي لبنى الي حكيتلك عنها

ليت الوداع يوموت لاجيت اودعك..ولانموت اثنينا بوقت واحد:

ايه الي عايشة بنيو يورك

#ان جبتها بالعباطة!..اطلع لك عبيطة#:

ايوه عاد صديقتي عطتني تذكرة عشان اروح لها بنيويورك

ليت الوداع يوموت لاجيت اودعك..ولانموت اثنينا بوقت واحد:

يعني بتسافرين

#ان جبتها بالعباطة!..اطلع لك عبيطة#:

ايه ان شاء الله اذا اخوي رضى بروح

ليت الوداع يوموت لاجيت اودعك..ولانموت اثنينا بوقت واحد:

اجل ان شاء الله مايرضى


#ان جبتها بالعباطة!..اطلع لك عبيطة#:
افا ليه؟؟

ليت الوداع يوموت لاجيت اودعك..ولانموت اثنينا بوقت واحد:

تبين تروحين وتخليني

#ان جبتها بالعباطة!..اطلع لك عبيطة#:

ههههه تصدق عاد على بالي عندك سالفة


ليت الوداع يوموت لاجيت اودعك..ولانموت اثنينا بوقت واحد:

انتي ليه كذا؟؟

#ان جبتها بالعباطة!..اطلع لك عبيطة#:
شسالفة؟؟

ليت الوداع يوموت لاجيت اودعك..ولانموت اثنينا بوقت واحد:

ليه دايم تحسبيني اكذب عليك..وربي انا مو كذا

مشاعل:ايوه هين

#ان جبتها بالعباطة!..اطلع لك عبيطة#:
لا انا ماقلت انك تكذب..انتي الي تقول

ليت الوداع يوموت لاجيت اودعك..ولانموت اثنينا بوقت واحد:

افهم من كذا انك مو مصدقتني

#ان جبتها بالعباطة!..اطلع لك عبيطة#:
اصدقك بايش؟؟

ليت الوداع يوموت لاجيت اودعك..ولانموت اثنينا بوقت واحد:
اني احبك

#ان جبتها بالعباطة!..اطلع لك عبيطة#:
هههههههههههه تكفى لا تضحكني ما استحمل

ليت الوداع يوموت لاجيت اودعك..ولانموت اثنينا بوقت واحد:
ندى وربي ما اكذب عليك

#ان جبتها بالعباطة!..اطلع لك عبيطة#:
طيب انا بطلع الحين اشوفك على خير

ليت الوداع يوموت لاجيت اودعك..ولانموت اثنينا بوقت واحد:
ندى لا تهربين مني

#ان جبتها بالعباطة!..اطلع لك عبيطة#:

ما اهرب بس انا توني راجعة من البارتي وتعبانة وابي انام

ليت الوداع يوموت لاجيت اودعك..ولانموت اثنينا بوقت واحد:
اوكي تصبحين على خير

#ان جبتها بالعباطة!..اطلع لك عبيطة#:
وانت من اهله باي

ليت الوداع يوموت لاجيت اودعك..ولانموت اثنينا بوقت واحد:
باي

سكرت الايميل وهي تفكر بكلامه...كيف كذا يحبها بسرعة صار لهم شهر تقريبا...هي ماتنكر انها تشتاق له بس مو معناته انها تحبه..

نفضت هالافكار من راسها وبدت تمسح المكياج عشان تستعد للنوم...

&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&

في بيت مشاعل..

دخلت للبيت وتفاجأت لما لقت بدر واقف قدام الباب...

مشاعل:ليه واقف هنا؟؟

بدر:خلصيني نجحتي ولا لأ؟

مشاعل ناظرته بهدوء وتركته وراحت للصالة...

فراس كان جالس بالصالة وبطالع التلفزيون...

مشاعل بهدوء:السلام عليكم

فراس ناظرها باستغراب:وعليكم السلام...شفيك؟؟..وش صار؟؟

بدر:اليوم نتايجهم اسالها وش صار وماترد علي شكلها جابت العيد

فراس تنهد:ولا يهمك اهم شي ماتضايقين نفسك تقدرين تعوضين بعدين

بدر:اوف يعني مافي سفر...حسبي الله عليك يا مشاعل

فراس:شفيك عليها خلاص هي سوت الي تقدر عليه وعاد هاذا الي صار...الله كاتب كذا

مشاعل ضمت فراس وهي كاتمة ضحكتها:فراس

فراس مسح على شعرها:سمي

مشاعل رفعت راسها وهي تبتسم:نجحت

فراس باستغراب:ايش؟؟

بدر سحبها من بين يدين فراس ومسك كتفها:انتي من جد تتكلمين؟

مشاعل هزت راسها وي تبتسم:ايه والله

بدر ضمها بقوة:بعدي اختي...يلا بروح اجهز اغراضي

رماها على الكرسي بقوة وراح لغرفته..

مشاعل طالعته وهي رافعه حاجبها:لا والله يعني كل هالفرح مو عشاني..عشان السفرة

فراس ابتسم:ماعليك منه انا فرحان عشانك

مشاعل التفتت له وهي تضحك:فديتك والله

&&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&&

اليوم الثاني..(بالمطار)...

شوق وهي تناظر ساعتها:يالله وينها هاذي؟

رزان وهي تتثاوب:يعني ماتعرفين بشاير لازم تتاخر

اثير ساكته وبنتها بحضنها ونايمة...

شوق تقدمت لعندها:هاتي اشيلها عنك مو كويس انتي حا....

سكتت قبل لا تزل لسالنها وتسمعها رزان...

اثير ابتسمت لان شوق خايفة عليها:لا عادي متعودة ولا نسيتي اني حملت قبل كذا

رزان بصراخ:هي ميشو تعالي هنا

شوق سكرت فمها:الله يفضحك المجنونة شنو هاذا احنا مو في بيتكم

رزان شالت يد شوق:ما انتبهت لنا قلت اناديها

شوق:يعني مافي شي اسمه جوال

رزان شهقت:شوشو شوفي مين معاها..بدر الي هاذاك اليوم

شوق ابتسمت:ايوه ادري...(شهقت لما شافت فراس)...يعني هاذا فراس

رزان وهي مو قادرة تشيل عيونها من عليه:شوفيه يجنن

شوق:مع انه مربي لحية بس بعد طالع جووناااان

رزان:خلاص انتي خوذي بدر وانا فراس

شوق:لا ياحلوة انا الاكبر يعني باخذ فراس

رزان:خلاص ولاتزعلين انتي فراس وانا بدر

اثير:بشاير معاها ولا لا؟

شوق:الا هاذاهي معاها

مشاعل:سوري تاخرنا

شوق مسكت مشاعل من كتفها:اقول ميشو هاذا المزيون فراس؟

مشاعل:ههههه ايه...يشبهني صح

شوق:انقلعي والله انه احلى منك

رزان:وطي صوتك ولا تتحمسين ترا بيسمعك

بشاير:هههه الله يفشلك شنو عمرك ماشفتي مزيون

شوق:اقول انطمي انتي وياها ويالله ترا بنتاخر على الطيارة

نادو على رحلتهم وتوجهو كلهم للباب...

شوق وهي تعطيهم التذاكر:بنات اسمعو احنا كلنا مع ديما درجة اولى..بس اخوانك بصراحة فاجأوني ومامداني احجز لهم

مشاعل:عادي هم اصلا حجزو لنفسهم بس ما اتوقع درجة اولى

شوق:اوكي..انا ورزان جمب بعض وبشاير ومشاعل جمب بعض واثير وديما جمب بعض اوكي

بشاير:اوكي بس اهم شي انا جمب الدريشة

مشاعل:اجلسي جمب الدريشة اصلا انا ما احب اطل منها اخاف

بشاير:هههههههههه يالبزر

شوق:يلا عاد نبي هدوء ورجاء بلا هواش بالطيارة اوكي

البنات:اوكي

شوق:يلا

ركبو كلهم الطيارة وكل واحد جلس بمكانه...وبدت الرحلة لنيويورك...

&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&

جميعنا قد نواجه الصعوبات في حياتنا
/
/
فمنا قد يتحملها وينساها
/
/
ومنا قد يتحملها..ولاكنها تبقى في عقله وقلبه
/
/
ومنا من يتعرض للخيانة وتكون من اعز حبيب
/
/
ولكن..مع كل اشراقة فجر جديد..تشرق امال جديدة

&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&

سكرت جوالها بطفش...لين متى يعني ليه الوقت مو راضي يمشي..

وقفت لما انتبهت للبوابة تفتح...وقفت بسرعة وراحت لعند البوابة...

وقفت بكل شوق وهي تناظر الناس الي يطلعون وتنتظر تشوف وحدة منهم...

ابتسمت وحست انها بتطير من الفرحة لما شافت اثير...كانت محجبة بس مو لابسة عباية...ووراها كانت بشاير...وبعد محجبة بس..

لا شعوريا ركضت لهم وضمت اثير....

لبنى:وحشتيني

اثير رمت شنطتها على الارض وضمتها:وانتي بعد وحشتيني مووت

بشاير وهي تسحب اثير:حتى انا بعد اشتقت لها

لبنى وهي تمسح دموعها:هههههه حياتي انتي اشتقت لك

بشايرضمتها:يوه لا تبكين ترا مالي خلق ابكي معاك

لبنى:ههههههه ok

سمعت صوت احد يناديها من بعيد...

شوق ورزان بصراخ:لبنى

لبنى رفعت راسها وانتبهت لهم....

شوق ضمتها باقوى ماعندها:كيفك يادوبة وحشتيني

لبنى:وانتي بعد

رزان بعدت شوق وضمتها:وحشتييييني

لبنى:وانتي بعد وحشتييني موووت

بعد ما استقبلت البنات التفتت وراهم...

لبنى وهي توجه كلامها لشوق ومعطية ظهرها للبوابة:ماجت ميشو صح؟؟

شوق ساكته وهي كاتمة ضحكتها..

لبنى عاقدة حواجبها:وش فيك انتي؟؟

فجأة حست بيد على عيونها...لبنى لمست اليد تبي تعرف مين...

مشاعل:ماعرفتيني؟؟

لبنى بصراخ:ميشوو

مشاعل ضمتها وهي تضحك:وحشتيني مووت يادوبة

لبنى وهي دافنة وجهها على مشاعل وتبكي:وانتي بعد

بشاير وهي تحاول ماتبكي:يالله بدينا الفلم الهندي شوفو وربي لو بكيت ماراح اسكت وانتو تحملو عاد

لبنى وهي تبعد عن مشاعل:هههه خلاص ماراح ابكي...بس وربي اشتقت لكم كلكم

انتبهت بواحد واقف ويناظر فيها من فوق لتحت وكانها مو عاجبته...

لبنى بحزم:خير ان شاء الله وش فيه؟؟

البنات التفتو لوين مالبنى تناظر...يبون يعرفون مين تكلم..

مشاعل مسكت يدها وشدت عليها:لبنى..هاذا اخوي فراس

لبنى عضت على شفايها:اوبس...sorry وربي مو قصدي

تقدمت له ومدت له يدها:انا لبنى صديقة مشاعل

فراس ناظر بيدها:تشرفنا وانا فراس اخو مشاعل

لبنى ناظرت فيه وهي رافعة حاجبها..ولسى مادة يدها...

بدر ناظر فيه ومد يده للبنى وسلم عليها:وانا بدر اخو مشاعل الثاني

لبنى وهي تناظر بفراس ومنقهرة منه:اهلين

مشاعل انتبهت لتوتر الجو بينهم وخصوصا ان فراس يناظرها وهي مو عاجبته...عارفة اكيد ماعجبه لبسها...

كانت لابسة شورت اسود واسع شوي وبلوزة جبنيز اصفر وفاتحه شعرها الي كان لونه اسود وطويل لين نص ظهرها....

وبعد لبنى اعند منه ومستعده تظل كذا لين بكرة..

مشاعل تقدمت للبنى ومسكت يدها:يلا خلونا نطلع من المطار

لبنى وهي لسى تناظر بفراس:ايه يلا

طلعو البنات مع فراس وبدر برة المطار...

(اثير &بشاير &مشاعل متحجبين) (شوق &رزان &لبنى مو متحجبين)

ركبو سيارة لبنى وتوجهو للفندق الي حاجزة لهم فيه لبنى...

بالطريق رن جوال لبنى...رفعت الجوال وكان ستيف...

لبنى ابتسمت((صباح الخير))

ستيف((صباح النور..شفيك قايمة بدري اليوم مومن عادتك))

لبنى((شنو نسيت اليوم صديقاتي جو من السعودية))

ستيف((ايوه صح نسيت...سلميلي عليهم))

لبنىk ...بنات ستيف يسلم عليكم

فراس ناظرها وهو عاقد حواجبه...وش قاعدة تقول هاذي...

البنات ماعدا مشاعل الي تناظر باخوها وتشوف ردة فعله:الله يسلمه

لبنى((وينك انت؟؟))

ستيف((انا الحين بالجم...ماراح تجين اليوم؟؟))

لبنى((لا قول للمدرب اني ماراح اجي اسبوع....ولا اقول لك قوله اني ماراح اجي على طول))

ستيف:ههههههه ok bey

لبنى:bey

سكرت الجوال والتفتت على البنات:تبون تفطرون الحين ولا نروح على الشقة على طول

شوق:لافطرنا بالطيارة خلينا نروح للشقة على طول

لبنىk

توجهت لفندق (بلازا اوتيل)...مكان ماتسكن لبنى ومكان ماحجزت لفراس وبدر معاهم...

وصلت للفندق ونزلو كلهم...

فراس وقف ونادا مشاعل...

مشاعل راحت له:هلا فراس

فراس وهو عاقد حواجبه:انا بروح مع بدر ماراح اسكن هنا

مشاعل:ليه؟؟

فراس:الصراحة صديقتك ذي ماعجبتني..عليها حركات استغفر الله لا وكله كوم ولبسها كوم ثاني

مشاعل:هههههه يعني وحدة عايشة نص عمرها هنا وش تبيها تكون

فراس:لا في بنات كثير عاشو كل عمرهم بالغربة ومتمسكين بدينهم بس هاذي مادري شلون

مشاعل تاففت بداخلها الحين بعطيها محاضرة عن التمسك بالدين وعن لبس لبنى ومدري وشو...قررت تنهي الموضوع وتفتك...

مشاعل:طيب خلاص على راحتك

فراس:انتبهي لنفسك

مشاعل:ان شاء الله

فراس:يلا مع السلامة

مشاعل:مع السلامة

رجعت للبنات ومسكتها لبنى:وين راح؟؟

مشاعل:يقول بيروح يسكن مع اخوي وخويه

لبنى:يكون احسن...يعني اعذريني يا ميشو بس اخوك ما حبيته مدري شلون

مشاعل:ههههههه سبحان الله شعور متبادل بينك وبينه

لبنى:ليه ليكون مو عاجبته

مشاعل:بصرحة لا

لبنى:كذا يعني..(قالت وهي تكلم نفسها)..((طيب يافراس انا اوريك..اجل مو عاجبتك..هين ان ماخليتك تحفي وراي ما اكون لبنى))

مشاعل:يلا لبنى خلينا ندخل

لبنى انتبهت لنفسها:اوكي يلا

&&&&&&&&&&&&&&&&&&&&&&&&&
^%[يامــاحـــاولت]%^
&&&&&&&&&&&&&&&&&&&&&&&&&

{من كثر حبي له,’احسب الدنيا تتمحور عليه}

بالشرقية...

مرت من جمب غرفتها وسمعتها تتكلم بالتلفون...

كانت بتروح لغرفتها بس وقفت لما سمعت اسمه على لسانها..

دانة وهي تضحك:عبد العزيز خلااص

فاطمة مسكت الباب وهي منصدمة..قالت بهمس:عبد العزيز

فتحت الباب بنرفزة...

فاطمة:دانة

دانة فزت لما سمعت صوتها فجأة..بعدت السماعة عنها:نعم

فاطمة وهي تناظر بالجوال...شنو تقول لها هي مو اختها ولا امها عشان تسالها مين تكلمين...

فاطمة بارتباك:ماشفتي بشاير؟؟

دانة وهي عاقدة حواجبها:الله يهديك فاطمة بشاير مسافرة نسيتي

فاطمة:ايوه صح...طيب وين امي؟؟

دانة:راحت بيت الجيران

فاطمة:اهاا...انتي مين تكلمين؟؟

دانة ببرود:صديقتي

فاطمة:اهاا...شسمها؟؟

دانة بنفس النبرة:عزة

فاطمة هزت راسها:طيب

طلعت من الغرفة وهي تضحك على نفسها...من كثر ماتفكر فيه صارت تتوهم انها تسمع الكل يناديه...ظلمت البنت وهي مالها شغل..

دانة بعد ماتاكدت انها بعدت رجعت حطت السماعة على اذنها:الو

عبد العزيز:مين هاذي؟؟

دانة:بنت زوجة ابوي

عبد العزيز:اسمه فاطمة؟

دانة رفعت حاجبها:وانت تتسمع؟

عبد العزيز بارتباك:ههه لا بس كذا اقول يعني يمكن

دانة:طيب طيب خلاص

&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&

في صباح اليوم الثاني...

فتحت عيونها وهي تحس بيد تنغزها على خفيف وتسمع همس باسمها...

فتحت لبنى عيونها وشافت شوق قدامها....

لبنى وهي عاقدة حواجبها:شفيك؟؟

شوق بهمس عشان ماتصحي البنات:قومي

لبنى:وين؟؟

شوق:تعالي برة نتفاهم

لبنى:كم الساعة؟؟

شوق وهي تناظر بالساعة:9

لبنى لفت وجهها وغطته بالفراش:حرام عليك خليني انام

شوق وهي تسحب الفراش:قومي ابيك ضروري

لبنى قامت:اوف وش السالفة؟؟

شوق:اطلعي برة عشان مانصحي البنات

لبنى طلعت معها لبرة وهي تتحلطم:ياسلام يعني خايفة عليهم مايقومون وانتي مزعجتني من الساعة 9

شوق:ممكن تسكتين شوي وتخليني اتكلم

لبنى وهي تجلس على الكنبة:قولي

شوق جلست جمبها:ابي اطلع

لبنى رفعت حاجبها:ومقومتني عشان تقولين كذا...روحي انا ماسكتك

شوق:لبنى لا تستهبلين انا مااعرف شي هنا انتي تعالي معاي

انتبهو لبشاير الي قامت من النوم...

بشاير:صباح الخير

شوق ولبنى:صباح النور

بشاير:وش عندكم قايمين الحين ازعجتوني

لبنى:شوق تبي تطلع

بشاير فتحت عيونها:وانا بعد

شوق:شفتي يلا بسرعة روحي غسلي وجهك وبدلي ملابسك ويلا نطلع

لبنى:اوكي وانتو بعد

شوق:انا جاهزة بس باقي بشاير..وياليت تخلصون بسرعة

بشاير ولبنى:اوكي

بعد نص ساعة صارو البنات جاهزين وطلعو..

لبنى وهي تطلع مفتاح السيارة من الشنطة:وين تبون تروحون؟؟

شوق:ابي اتسوق

بشاير:لا اول ابي افطر

لبنى:أي شوق حتى انا جوعانة

شوق:بس انا فطرت

بشاير:واحنا وش دخلنا فيك

لبنى:خلاص نروح نفطر وبعدين نسوي shopping

ركبو السيارة وراحو يفطرون ولما خلصو طلعو من المطعم وتوجهو للسيارة...

شوق:اقول لبنى ودي امشي ما ابي اركب السيارة

بشاير:ايه نمشي احسن

لبنى دخلت المفتاح بشنطتها:اوكي

بدو يمشون وطاقينها سوالف وضحك وماخذين راحتهم...اشكالهم تلفت الانتباه كل وحدة بشكلها مميزة...

لبنى:حلوة بلوزتك شوق من وين جبتيها؟؟

شوق وهي تدور على نفسها:عارفة اصلا ماصارت حلوة الا لما لبستها

ماحست بنفسها الا وهي صادمة بشي وراها...

ناظرت بوجه لبنى وبشاير...كل وحدة حاطة يدها على فمها والصدمة واضحة بوجهها...

اخذت نفس وهي عاقدة حواجبها..والتفتت تشوف مين...

شوق بعصبية:وجع ماتشو....

سكتت لما شافت واحد وراها...السالفة مو هنا..هي الحين فاهية بشكله...كان طويل وعريض واسمراني...عيونه عسلية ناعسة وشعره اسود...

شوق وهي ترجع خصلة من شعرها لوى...قالت بهدوء:sorry

سلطان ابتسم ابتسامة جذابة:لا عادي

وقفت تناظر فيه وهي مو حاسة بنفسها..ماحست الا لما جت لبنى وسحبتها بقوة...

لبنى وهي تسحبها:يلاشوق تعالي

بشاير ناظرت بسلطان وراحت عند البنات...

سلطان وقف وناظر بشوق وهو رافع حاجبه:حلوة..مافيها شي

لبس نظراته ودخل للمطعم...

عند البنات..

شوق وهي تناظر بالفراغ:لبنى...شفتي الي شفته

لبنى وهي تجلس جمبها على الكرسي:ايه شفت

بشاير وهي تغمز لشوق:خوش صقعة ماتطيحين الا على المزاين

شوق:طيب انتو شفتو ملامحه كيف لما شافني...شلون كانت؟؟

بشاير:مم بصراحة

شوق:ايه

بشاير:والله شكله ولا اهتم بعدين هاذا شكله من النوع العااب

لبنى:بيشو معها حق

شوق وهي توقف:اصلا ماهمني هو صح حلو بس انا مايملي عيني أي احد

لبنى وهي تحط يدها على كتفها:طيب يلا ماتبين تتسوقين

شوق بحمااس:الا اكيد

&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&&

بالشقة عند البنات...

صحت رزان من النوم ومالقت احد نايم...

رزان باستغراب:وين راحو؟؟

طلعت برة الغرفة وراحت عند المطبخ..شافت اثير جالسة وتسوي فطور وبنتها واقفة وتناظر فيها..

رزان:صباح الخير

اثير ابتسمت:صباح النور

رزان:وين البنات؟؟

اثير رفعت كتوفها:والله مدري قمت من النوم ومالقيت احد..ومشاعل جالسة ع الاب توب

رزان عقدت حواجبها:يالله ذي البنت ماتطفش من السوالف

تركت اثير وراحت للصالة عند مشاعل الي حاطة المايك وتسولف وتضحك ولا حاسة بالي حولها..

رزان جلست جمبها وباست خدها:صباح الخير

مشاعل التفتت لها وابتسمت:صباح النور

رزان:وش قاعدة تسوين؟؟

مشاعل:ولاشي بس اسولف مع فهد

رزان:ترى طفشتيني بهالفهد هاذا ماصارت كل مااسالك مع مين تسولفين قلتي فهد

مشاعل:اشتقت له طيب وش اسوي يعني

رزان رمت عليها المخدة:طيب خليك معه..بس قوليلي وين النات

مشاعل:اتوقع طلعو

رزان وقفت وقالت باستنكار:لا والله يطلعون ويخلونا

مشاعل:لقونا نايمين ماحبو يزعجونا

رزان ناظرت ساعتها:الحين لاساعة تقريبا وحدة...من متى طالعين هاذولا

مشاعل:دقي واساليهم لا تزعجيني

رزان كشت عليها:مالت عليك انزين

راحت للتلفون ودقت على لبنى...

البنات كانو توهم داخلين لمطعم عشان يتغدون ورن جوال لبنى..

لبنى:خلونا نجلس هنا

شوق وبشاير:اوكي

جلسو وحطو اغراضهم..

لبنى جلست:الو

رزان بصراخ:وينكم يالهايتين

لبنى:هههههه صح النوم

رزان:ماعلي منك ليه تطلعون وتخلونا

لبنى:كنتو نايمين وبعدين احنا قمنا بدري مرة

رزان:كم يعني؟؟

لبنى:الساعة 9

رزان:الله من الساعة 9 وانتو طالعين وتوكم مارجعتو...اسمعي عاد تجون الحين ونطلع نتغدا

لبنى:خلاص الحين اجي واجيبكم

رزان:يلا لا تتاخرين

لبنى:اوكي باي

رزان:باي

لبنى وقفت:اقول انا بروح اجيب البنات وبجي..اطلبو لكم أي شي على مايجون طيب

شوق:اوكي انتي روحي لا ياكلونك

لبنى:هههههه من جد

طلعت لبنى من المطعم وتركت بشاير وشوق..

شوق:تبين تاكلين شي ولا تنتظرين البنات

بشاير:لا بنتظرهم

شوق:انا باخذ لي شي اشربه

وقفت وراحت للكاشير...

اليويتر((تفضلي))

شوق ابتسمت((بشوف المنيو))

مدت يدها عشان تاخذ المنيو بس وقفت لما حست بيد على يدها...رفعت راسها
بسرعة عشان تشوف مين هاذا...تفاجات لما لقته نفس الشخص الي صقعت فيه
بالشارع...

سحبت يدها بسرعة وهو شال يده بنفس السرعة..

شوق بهدوء وهي توجه كلامها للويتر((ممكن تعطيني مينو؟؟))

اليوتر ابتسم لها ومد لها مينو ثاني...

الويتر((ممكن اخذ طلبك))

شوق وسلطان((واحد ميلك شيك))

التفتو على بعض بنفس الوقت...

اليوتر ابتسم على اشكالهمk

شوق لفت وجهها عنه وجلت على الكراسي الي عند الكاونتر عشان تنتظر طلبها...وسلطان نفس الشي...

سلطان:هاي

شوق التفتت له وهي رافعة حاجبها...ناظرته لثواني وكانه مو عاجبها وبعدين قالت بهدوء:هاي

سلطان:انتي سعودية؟؟

شوق وهي تحط يدها على خدها:لا سيلانية

سلطان:هههههه طيب شفيك ترى سؤال عادي

شوق:انت وش رايك يعني؟؟

سلطان:سعودية

شوق:طيب خلاص ليه تسال اجل

سلطان:طيب اعصابك ليه معصبة انا بس قصدت نقضي الوقت شوي على مايوصل الطلب

جا الويتر وحط الطلبات...

شوق وهي تاخذ الميلك شيك حقها:وهاذا الطلب جا باي

وقفت لما سمعت اسمها بصوته...

سلطان:شوق

التفتت وهي مستغربة...

شوق:كيف عرفت اسمي؟؟

سلطان ابتسم:يوم صقعتي فيني صديقتك قالتل ك يلا شوق تعالي يعني اكيد بيكون اسمك شوق

شوق:زين وش تبي؟؟

سلطان:ولاشي بس حبيت اقول ان اسمك حلو وكنت ابي اجربه على لساني

شوق:وجربته..وشلون طلع؟؟

سلطان:رهيب

شوق طفشت منه...طنشته وراحت جلست على الطاولة عند بشاير..

سلطان وقف وتقدم لها..مد يده بهدوء:على فكرة اسمي سلطان

شوق ناظرت يده وشربت الميلك شيك:عاشت الاسامي

سلطان وهو يحط يده بجيبه:طيب عن اذنك

شوق:اذنك معك

التفتت على بشاير الي ظلت تناظر فيه لحد ماطلع...

شوق:وانتي ليه تناظرينه كذا؟؟

بشاير: انتي كيف تكلمينه بهاذا الاسلوب

شوق:تكفين عاد ماتشوفين نفسك كيف تكلمين سعد

بشاير:هاذا غير وسعد غير

شوق:كلهم رجال...وكلهم لعابين

بشاير عقدت حواجبها وهي تناظرها:الحمد الله والشكر

&&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&&

وصلت اخيرا للشقة...طلعت المفتاح من شنطتها ودخلته بالفتحة حقت الباب...

وقفت لما سمعت صوت وراها...

لبنى ابتسمت((هاي ستيف))

ستيف((هاي..جيت اخذك عشان نروح نتغدا))

لبنى ضربت راسها((يالله كيف نسيت..ستيف انا بتغدى اليوم مع صديقاتي...بليز لاتزعل))

ستيف((لا عادي))

لبنى((طيب تعال معانا))

ستيف((تبين الصراحة))

لبنى((شنو؟؟))

ستيف((انا كنت جاي اقولك اني ماراح اتغدى معاك لاني عازم ميشيل بس لما شفتك طالعه قلت يمكن جاية لعندي))

لبنى تنهدت براحة((طيب كويس...يعني تطورت العلاقة بينك وبينها))

ستيف((ايه مرة))

لبنى باست خدها وضمته((مبرووك))

ستيف ضمها وهو مبتسم:thinks

سمعت صوت احد يتنحنح وراها...ستيف ولبنى اللتفتو لمصدر الصوت...

&&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&&

تفاجأنا الحياة كل يوم بشي جديد
::
//
قد يكون خيرا او شرا لنا
::
//
ولكن المهم..هو كيف نستغل هاذا الشي"لصالحنا"

&&&&&&&&&&&&&&&&&&&&&&&&&
^%[يامــاحــاولت]%^
&&&&&&&&&&&&&&&&&&&&&&&&&