مشاعل جالسة عالمسن ومندمجة بالسوالف...فجأءة سمعت صوت الباب يفتح بقوة وبعدها صوت صراخ....
حطت السماعة على الطاولة والتفتت للباب...متعودة كل يوم على هالحال...
بشاير بعصبية:انا خلاص لازم انتحر
مشاعل وهي تسكر الباب:هههههههه..كل يوم تقولين كذا وللحين عايشة
بشاير:وجع ان شاء الله تبيني اموت
مشاعل فتحت الثلاجة الي عندها وطلعت(ام اند امز)...مدت الكيس لعند بشاير:خذي بس
بشاير فتحت الكيس وبدت تاكل:والله محد يعرفني غيرك
مشاعل:اعرفك اذا عصبتي لازم تاكلين كيس ام اند امز...على فكرة هاذا ادمان
بشاير:اقول لا يكثر واجلسي خليني اشكي لك
مشاعل:لحظة خليني استنتج سبب زعلك..ممم...سعد؟
بشاير:ودانة بعد...الله ياخذه هو واخته
مشاعل:طيب انتي ليه ماتعطينه فرصه يمكن هو يحبك من جد
بشاير بدت تاكل اكثر:حبه برص..وبعدين هو شاف وجهه قبل لايجي يقولي احبك...شاف اخلاقه...ياشيخه خليني ساكته
مشاعل:ههههههههههههههه
بشاير:ليه تضحكين؟؟
مشاعل:احسك قرفانة منه من جد
بشاير:اوف خليها على الله
فجاءة انفتح باب الغرفة...بشاير من الغرعة طيحت ال ام اند امز على الارض...
مشاعل التفتت وهي مستغربة...مين غير بشاير يسوي كذا...
بدر وقف وهو عاقد حواجبه:اسف ماكنت اعرف ان عندك ضيوف
بشاير من التوتر والخوف مو عارفة ايش تسوي...التفتت يمين يسار تدور
عبايتها بس لقتها بعيدة عنها...التفتت على بدر الي للحين واقف
ويعتذر...مالقت غير الستارة تتخبى وراها...
مشاعل وقفت بعصبية وسحبت اخوها لبرة....
مشاعل بعصبية:انت شفيك؟؟
بدر:وشو ماكنت اعرف ان عندك احد
مشاعل:لا والله...شوف هالكلام مايمشي علي كل مرة بتقول كذا
بدر:لا هالمرة جد...حتى كنت ابي اسالك عن شي
مشاعل:وشنو هالشي؟؟
بدر:ها..لا نسيت خلاص
مشاعل:بدر...وربي لو ما اختفيت من قدامي الحين بيصير شي مايسرك
بدر:زين بختفي بس قولي لي...مين هاذي؟؟
مشاعل:يعني اول مرة تشوفها
بدر:لا بس اول مرة اشوفها كذا...بصراحة توني ادري انها قمر كل ما اشوفها القاها لابسة العباية
مشاعل:وش رايك يعني تبيها بدون عباية
بدر:خلصينا عاد مين هاذي؟؟
مشاعل:صديقتي
بدر وهو يطالع مشاعل من فوق لتحت وكانها مو عاجبته:انتي تصادقين هالقمر ذي
مشاعل:ليه وش فيني اصلا انا احلى منها
مشاعل كانت طويلة وحنطية يعني سمارها زي سمار الهنود..عيونها وساع نوعا ما
ولونها اسود رموشها طويلة وخفيفة...نحيفة وشعرها اسود لين نص ظهرها....
بشاير كانت بيضا وعيونها صغار لونها اخضر...شعرها بني قصير لين كتفها
وناعم...كانت مليانة شوي لاهي سمينه ولا نحيفه...ومو طويلة مرة بس نقدر
نقول عنها انها مملوحة بشكل عام...
بدر:أي صح
مشاعل:اقول عطيتك وجه بزيادة اذلف يلا
بدر:عليك اسلوب اعوذ بالله
مشاعل بحده:بدر
بدر وهو يبعد:طيب طيب خلاص رحت
مشاعل تاففت ودخلت للغرفة....
&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&بنيويورك الجو غير تماما...
جالسة ع الكنب وتناظر بالناس...تحس انها اليوم تعبانة ومالها خلق شي...
ستيف بصراخ لان صوت الاغاني عالي((شفيك؟؟))
لبنى((احس راسي يوجعني))
ستيف((تبين نطلع برة؟؟))
لبنى((لا ماله داعي...عطني زقارة وانا بروق بعدين))
ستيف
k
طلع لها من جيبه زقارة ومدها لها...(طبعا هاذي مو زقارة عادية...هاذي حشيش)...
اخذتها منه وحتطها بفمها....كانت تدور بجيبها على ولاعة..انتبهت بيد قدامها ومادة لها ولاعة...
لبنى رفعت راسها تشوف مين...تنحت للحظة وهي تناظر فيه...كان نسخة من ديفد بيكهام...
لبنى حست على نفسها..رفعت حاجبها((خير؟؟))
الولد مد لها الولاعة((ممكن))
لبنى طلعت ولاعة من جيبها وولعت لنفسها:no thinks
الولد طالع فيها وبعدين ناظر بستيف....سيتف اول ما شافه رفع كتوفه وكانه يقول له مالي دخل...
لبنى((في شي؟؟))
الولد مد لها يده((ممكن ترقصين معي))
لبنى مسكت يد ستيف((اسفة بس انا وعدته ارقص معه))
سحبت ستيف بسرعة وراحت لعند مكان الرقص...
اول مابعد عنه التفتت على ستيف((ستيف شفته شلون...يهبل))
ستيف((على فكرة انا عدت افهمك))
لبنى((وش قصدك؟؟))
ستيف((يعني هو عاجبك ليه صديتيه كذا))
لبنى((ستيف ستيف ستيف....انت ماتعرف لهاذي الحركات...هاذي حركات بنات انت خلك بس كذا اركض ورا ميشيل))
ستيف((وش تبيني اسوي يعني))
لبنى((قلت لك طنشها وبتشوفها هي الي بتركض وراك))
انتبهت بالولد نفسه واقف يطالعها..قالت بهمس...
لبنى((ستيف قاعد يطالعني))
ستيف((تحبين ترقصين معه))
لبنى((لا يالغبي..امش نطلع))
ستيف((نطلع وين؟؟))
لبنى((نطلع برة انت روح لبيتك وانا بنتظر برة))
ستيف((ليه؟؟))
لبنى((يالله ستيف شغل مخك...سو الي قلتلك عليه))
ستيف((اوكي))
طلعو اثنينهم مثل ما اتفقو...ركب ستيف سيارته وبقت لبنى واقفة برة...
التفتت يمينها ويسارها تشوف لو في احد واقف...لما ما لقت احد شالت جزمتها وبدت تصقعها بالرصيف....لحد ماانكسر الكعب...
انتبهت باحد طالع من البار الي كانو فيه...لبست جزمتها بسرعة ...
لبنى بتصنع((اوف))
سمعت صوت وراها...التفتت ولقته نفس هاذاك الولد...
الولد((ايش فيه))
لبنى لفت وجهها وهي تخفي ابتسامتها((ولاشي))
الولد((اقدر اساعدك))
لبنى((الكعب حقي انكسر...ما اعرف ايش اسوي))
الولد((ممكن اساعدك))
لبنى وهي ترمش بعيونها الرمادية((كيف بتساعدني؟؟))
الولد((ممكن اوصلك للمكان الي تبينه))
لبنى وهي تحاول تخفي ابتسامتها((ممم...ما ادري))
الولد
lies
لبنى رفعت كتوفها
k
الولد((تفضلي))
لبنى((وين سيارتك؟؟))
الولد((هناك بالشارع الثاني))
لبنى ناظرته وبعدين ناظر كعبها المكسور...وكانها تقول له ما اقدر امشي كذا...
الولد فهم((ممكن ارفعك))
لبنى ابتسمت:thinks
رفعها ووداها لحد السيارة..فتح لها الباب وركبها وهو ركب من الجهة الثانية...
لبنى:والله انكم ياالاولاد اغبياء
الولد((ايش قلتي؟؟))
لبنى ابتسمت((ولا شي...شكرا مرة ثانية))
الولد ابتسم((وين تسكنين؟؟))
لبنى دلته على المكان..
بالطريق...
الولد((ممكن اعرف اسمك))
لبنى((اسمي ريتشل))
الولد((وانا دانيل...ريتشال ممكن اطلب منك طلب))
لبنى((اكيد))
الولد((ممكن اعزمك على العشا))
لبنى((وين؟))
الولد((أي مكان تحبينه))
لبنى ببتسامة((اوكي))
خلونا نوصف لبنى شوي...هي نحيفة وشعرها اسود لين كتفها بس هي صابغته بني
زي الشكولاته...ناعم عيونها رمادية بس مو وسيعه مرة عادية...بيضا وفيه نمش
خفيف على وجهها من جهة وجنتها...يعني ببساطة نقدر نقول عنها كيوت...بس الي
مخرب عليها انها قصيرة شوي...عشان كذا دايم تلبس كعب...
&&&&&&&&&&&&&&&&&&&&&&&&&
^%[يامــا حــاولت]%^
&&&&&&&&&&&&&&&&&&&&&&&&&رزان جالسة على الكرسي الهزاز الي بغرفتها ومقهورة من تصرفات امها وابوها...
شوق:يوه عاد لا تقعدين تهزين كذا وترتيني
رزان:يعني عاجبك الي يسويه عمك وزوجته
شوق:هاذولا امك وابوك
رزان:تكفين عاد امي وابوي...لاتخليني اصدق
شوق تاففت من كلام رزان الي تعيده كل ثانية....فتحت شنطتها وطلعت علبة زقاير...
شوق مدت وحدة لرزان:خذي هدي اعصابك
رزان اخذت وحدة وهي تهز من العصبية:وانا عاد فيني اعصاب
شوق ولعت لها وولعت لرزان....
شوق وهي تجلس عند البلاكونه:اهدي ترا مافي شي يسوى...وامك وابوك كذا من يوم ماانخلقتي ويمكن قبل بعد
رزان:بس انا تعبت خلاص ماعدت استحمل
شوق:طيب وش بتسوين؟؟
رزان قربت من شو وجلست قدامها:انا عندي فكرة بس ابيك تساعديني فيها
شوق تحمست:ايش؟؟
توها رزان بتتكلم الايرن جوال شوق...
رزان:اوف هاذا وقته
شوق راحت لشنطتها:دقيقة
رفعت الجوال تشوف مين الي دق...عقدت حواجبها وهي تشوف رقم غريب...
رزان:مين؟؟
شوق:رقم غريب
رزان:اكيد واحد يستهبل لاتردين
شوق رفعت حاجبها وابتسمت:وانا احب الاستهبال
رزان:اوف منك
ردت شوق بكل دلع:الو
........:هلا والله
شوق:اهلين مين معاي؟؟
.......:انا واحد
شوق:واحد ولا اثنين
......:هههههه حلوة
شوق:ادري من يومي حلوة
......:ودمك خفيف
شوق:وانت بايخ وماتنبلع...وش تبي؟؟
........:ممكن نتعرف
شوق:قل قا
......:يلا عاد انا اتكلم من جد
شوق:اقلب وجهك بس
........:افا لحظة شوي وش فيك علي
شوق:داق علي تقول تبي تتعرف وتبيني اكلمك بعد انت شنو ماتستحي
........:انا برضو الي ما استحي
شوق عصبت:لا ولله اشوفها طالت وتشمخت يلا بس انقلع ولا عاد ابي اشوف رقمك على جهازي فاهم
سكرت الخط بوجهه والتفتت على رزان..
شوق:وش فيك تناظريني كذا...تبينه خوذيه استهبلي عليه بدال النكد الي انتي فيه...
رزان:شوق انتي تعرفيني ما احب هالحركات
شوق:شف بس مين يتكلم
رزان:ايه زين ما احب هالحركات...وانتي تعرفين اني اسوي أي شي وكل شي بس عند ال boys sorry stop
شوق:طيب خلاص اعصابك...وشو كنتي تبين تقولين
رزان:ايه صح ذكرتيني...اسمعي
نوصف شوق شوي...شوق بيضا طويلة ونحيفة يعني الي يشوفها يقول هاذي عارضة
ازياء...شعرها كيرلي قصير لحد كتفها بس كثيف لونه بني غامق مايل
للسواد...عيونها عسلية...
&&&&&&&&&&&&&&&&&&&&&&&&
^%[ يامــا حــاولت]%^
&&&&&&&&&&&&&&&&&&&&&&&