الرئيسية
هلا حبايبي كيفكم ؟ ان شا الله بالف صحه وخير ياااارب
المهم جايبت لكم اليوم شي خلاني افقع من الضحك وقلت لازم افقع مع اعضاء مكسات حبايبي الله يخليهم
المهم هدي شوي مواقف صارت لبنات في يوم الشوفه واللي مايعرف يوم الشوفه هو اليوم اللي تشوف البنت خطيبها لاول مره قبل الخطبه اكيد
المهم وكمان مواقف لبنات بشهر العسل مرررررره تضحك واخليكم معها ok
اووووول موقف :
تقول : أن يوم دخلت بالعصير وقدمته وتأخر خطيبي في مد يده عشان ياخذ
العصير فظنيت انه مايبي فمشيت مســـــــــرعه بالصينية وهو يقول ( لحظه ..
لحظه .. أبغى واحد لو سمحتي )) ..
ثااااني المواقف :
تقول : يوم دخلت أشوف خطيبي ومعي صينيه العصير تفجأت فيه يصرخ بقوه ( مشاء الله مشاء الله )
وقام وقف قدامي وهو يردد(( مشاء الله مشا الله)) أنا
ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل
مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( مشاء الله مشاء الله ))
ثاااالث المواقف :
تقول : أن من عاداتنا أن الخاطب ما يشوف خطيبته إلا بعد عقد القران ولكن
يوم خطبني صديق اخوي أصر انه يشوفني فدخله اخوي في المجلس وكان شباك
المجلس يطل على الحوش وحط المقاضي في الحوش
وناداني (( يامنيييييييييييييره تعالي شيلي الأغراض )) جيت وأنا لابسه
قميص البيت وشعري منفوش (( يعني وحده في البيت وش شكلها ؟؟!! ))المصيبة
ميب في ملابسي ولا في كشتى المصيبة إني جيت افحط بالعربية واخوي يحاول
يهديني ويقول : (( يامنــــــــــيره أعقلي * بشويييييييييييييييش )) وأنا
ماعطيته وجه جالسه افحط وفي الأخير قال الرجال ما ابي ألا هذي لأنها خفيفة
دم ..
راااااابع المواقف :
تقول : اول زياره لزوجي لي بعد الملكه يعني ثاني يوم المهم تقدم العصير
وتقدمت القهوه والى هالحين تمام المهم اختي قالت لي ترى احنا طالعين جهزنا
لك الشاهي تلاقينه في المطبخ المهم دخلت ومعاي تبسي الشاهي واطقطق بالكعب
العالي ومحد قدي والعيوووووون بالارض من الحيا المهم نزلت التبسي على
الطاوله سوى فيها هو وقال محد بيصب الشاهي غيري ارتاحي انت ياحياتي يوم
انه اخذ البرادي ولا فاضي مافيه غير السكر والنعناع من الخرعه صرخت وهو
غرقااااااااااان ضحك وشلت نفسي ورحت اجري الا على دخلت امي وابوي اشفيك
افيك مخروعه كذا واحكيهم ماتووا ضحك وعيييت ادخل ثاني الا بالغصب وهو
ماقصر استلمني محشاااااات هو وامي .. . يالله
خاااااامس المواقف :
هذي بنت تقص قصه خالتها بيوووم الشوف :::
ان زوجها جااااااب لها في يوم الملكه كيكه كبيره بشكل فراوله راحت
المسكينه تجيب السكينه من المطبخ يوم جات وقربت منها بتقطعها كانت قاسيه
الكيكه قلها عيوني شتسوين هذي مو كيكه هذي شمعه حبيبتي
ساااادس موقف :
وحده تقول كانت مره خايفه قبل لا تدخل والبنيه خجوله مره المهم لما أدخلت
تقول من الأحراج والخوف اول مادخلت جلست أناظر فيه مافكيت عيني منه لدرجة
أن هو مره أستحى وصار ينزل وجهه وأنا وجهي مافكيت عيني منه وظليت واقفه
فتره طويله لين ماسحبتني أمي وجلستنيوكمان وأنا جاسه مافكيت عيني والله
بالأخير وقف وأستئذن وطلع
ساااااااابع موقف :
وحدة قريبتي تقول من كثر الخوف رجولي بدأ تنتفض وما هي قادرة تشيلني
المهم البنت دخلت عليهم حاملة العصير
وراحت تقدم العصير لأمه وأخته ووقت ما وصلت عنده.......
انصدمت رجلها في الطاولة إلّي قدامه (إلي بتحط العصير عليه) واختل توازنها
وانكب العصير كله على ثوووووووب العريس المسكين إلي مبخرة له يوم كامل
المهم البنت انفجعت وجلست على الأرض وحطت إيدينها على وجهها وبكيت
وأمها حالتها حالة راحت تجيب المنشفة
والعريس مبسووووط مو معاهم ولا معا العصير إلي في ثوبه .........
هو معا البنت المسكينة إلّي تبكي قدامه
و وصلت أم البنت ومنشفتها ووقتها فاق العريس من غيبوبته وراح يمسح ثوبه
والبنت مازالت متيبسة مكانها
راحت أم البنت تشيل بنتها إلي فشلتها .......
والبنت من وقت ما وصلت أمها عندها مسكت يدها
وصارت تتكلم بصوت خافت كأنها تطلب شيء
قربت الأم من بنتها وقالتها: أش تقولي؟
قالتها البنت:. يمه الله يخليكي قوميني ما ني قادرة أقوم
المهم الأم قومت بنتها
....... و الأخ يطالع فيها وهو مبتسم .......
وما عدا يومين إلا وردوا بالموافقة
ويوم ماتزوجوا قالها : إلي جذبني فيكي جمالك و برأتك
...........بس الله يهديكي عدمتي ثوبي.............
..........ولا يهمك يفداكي الثوب وصاحبة........
ههههههههههه خلصنا من مواقف الشوفه هاه وش رايكم حلوه ومحرجه ههههههههههههههه
المهم ونجي عند مواقف شهر العسل
أولاً :
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيوم.. وسألها وش تبين؟ قالت مثلك ابغى منيوم
بس تكفى لايحط فلفل
زوجها تسدح من الضحك وهي تقول احسبها وجبه او طبق معين
==========================
ثانياً :
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه
===========================
ثالثا :
وهذا موقف لوحده بشهر العسل تقول كنت مسافره خارج السعوديه واشتهيت مطعم
عربي الله لا يعيدها المهم لقينا مطعم لبناني ورحنا له وحطوا لنا طبعاا
قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
===========================
رابعا :
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
============================
خامسا :
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها
==============================
سادسا :
وحده اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
=============================
سابعا :
هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي
==============================
وأخيراً :
وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد
مرور سنة طاحت بنفس المكان قالها عمى ما تشوفين.
هاه وش رايكم عجبكم وعلى فكره الموضوع منقول ومتعوب في تجميعه هههههههالمهم لاتنسون الردود ترى ما بسامح اللي يقرا ويضحك ومايرد على الاقل بشكرا تكفوووووووون ردو لاني احب اسمع منكم ومن كلامكم الحلو
